აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია აფხაზეთის მხატვართა შემოქმედებითი კავშირის მიერ ორგანიზებული გამოფენის - „აფხაზური გაზაფხული“ - გახსნას დაესწრო.

ღონისძიების ფარგლებში დამსწრე საზოგადოებას სიტყვით მიმართეს აფხაზეთის ა/რ განათლებისა და კულტურის მინისტრმა, გიორგი ძაძამიამ და აფხაზეთის ა/რ უმაღლესი საბჭოს თავმჯდომარე, ჯემალ გამახარიამ. მინისტრმა გამოფენის მნიშვნელობაზე ისაუბრა და ხაზი გაუსვა მსგავსი ინიციატივების საჭიროებას.

გახსნის ცერემონიას ასევე აფხაზეთის ა/რ იძულებით გადაადგილებულ პირთა მინისტრი დავით ფაცაცია, აფხაზეთის ა/რ  განათლებისა და კულტურის მინისტრის მოადგილე სალომე კაპანაძე, აფხაზეთის უმაღლესი საბჭოს დეპუტატები, კულტურის სფეროს წარმომადგენლები და სხვა მოწვეული სტუმრები ესწრებოდნენ.

ღონისძიების დასასრულს, აფხაზეთის მხატვართა შემოქმედებითი კავშირის თავმჯდომარე, ჯემალ ბასარიამ ხელოვანებს სერტიფიკატები გადასცა და შემოქმედებით საქმიანობაში წარმატება უსურვა.

გამოფენა საქართველოს კათოლიკოს-პატრიარქის, ილია II ხსოვნას მიეძღვნა. ექსპოზიცია ფერწერულ, გრაფიკულ და ქანდაკების ჟანრში შესრულებულ ნამუშევრებს მოიცავს და მისი დათვალიერება პირველ მაისამდეა შესაძლებელი.

აფხაზეთის ავტონომიური რესპუბლიკის განათლებისა და კულტურის მინისტრმა გიორგი ძაძამიამ, სოხუმის სახელმწიფო უნივერსიტეტში, საქართველოს მეცნიერებათა ეროვნული აკადემიის 85 წლისთავისადმი მიძღვნილ საერთაშორისო სამეცნიერო ფორუმის გახსნასა და პლენარულ სხდომაში მიიღო მონაწილეობა.

გიორგი ძაძამიამ სიტყვით გამოსვლისას ფორუმის მნიშვნელობაზე ისაუბრა და აღნიშნა, რომ მსგავსი შეხვედრები განსაკუთრებულ მნიშვნელობას ატარებს ცოდნისა და გამოცდილების გაზიარების, ახალი იდეების ჩამოყალიბებასა და საერთაშორისო აკადემიური თანამშრომლობის გაღრმავებაში.

ფორუმის გახსნასა და პლენარული სხდომის მუშაობაში სოხუმის სახელმწიფო უნივერსიტეტის რექტორი თეა ჯუღელი, აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის განათლების და კულტურის მინისტრის მოადგილე სალომე კაპანაძე, საქართველოს მეცნიერებათა ეროვნული აკადემიისა და სოხუმის სახელმწიფო უნივერსიტეტის აკადემიკოსი ლადო პაპავა და სამეცნიერო საზოგადოების სხვა წარმომადგენლები მონაწილეობდნენ.

ღონისძიება ქართველ და უცხოელ მეცნიერებს, უმაღლესი საგანმანათლებლო დაწესებულებების, სამეცნიერო-კვლევითი ცენტრებისა და სხვადასხვა აკადემიური ინსტიტუციის წარმომადგენლებს აერთიანებდა, რომლის ფარგლებში სხვადასხვა დარგის მეცნიერებმა მოხსენებები წარადგინეს და ისტორიის, ფილოლოგიის, განათლების, თანამედროვე ტექნოლოგიების, სამართლის, ბიზნესისა და სხვა აქტუალურ სამეცნიერო საკითხებზე იმსჯელეს.

ღონისძიებას სოხუმის სახელმწიფო უნივერსიტეტის აკადემიური პერსონალი, საქართველოსა და უცხოეთის პარტნიორი უნივერსიტეტებისა და სამეცნიერო-კვლევითი ინსტიტუციების წარმომადგენლები, სტუდენტები და სხვა მოწვეული სტუმრები ესწრებოდნენ.

ფორუმის მიზანი იყო მეცნიერებისა და განათლების სფეროში არსებული თანამედროვე გამოწვევებისა და აქტუალური საკითხების განხილვა, სამეცნიერო გამოცდილების გაზიარება, საერთაშორისო აკადემიური თანამშრომლობის გაღრმავება და ახალგაზრდა მკვლევართა ხელშეწყობა.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია აფხაზეთის უმაღლეს საბჭოში გამართულ საერთაშორისო კავშირების, განათლებისა და კულტურის საკითხთა კომიტეტის სხდომას დაესწრო.

სხდომას საერთაშორისო კავშირების, განათლებისა და კულტურის საკითხთა კომიტეტის თავმჯდომარე ნუგზარ მგალობლიშვილი უძღვებოდა.

სხდომაზე აფხაზეთის დროებით ოკუპირებულ ტერიტორიაზე, განათლებისა და კულტურის სფეროში არსებული გამოწვევები და შესაძლებლობები განიხილეს, ისაუბრეს მათი გადაჭრის გზებზე და სამომავლოდ განსახორციელებელ პროექტებზე.

კომიტეტის სხდომას აფხაზეთის უმაღლესი საბჭოს თავმჯდომარის პირველი მოადგილე, აფხაზეთის განათლებისა და კულტურის მინისტრის მოადგილეები, აფხაზეთის მთავრობის აპარატის უფროსი გიორგი სუთიძე, უმაღლესი საბჭოს აპარატის უფროსი ზურაბ მებონია, კომიტეტის აპარატის წევრები და აფხაზეთის განათლებისა და კულტურის სამინისტროს წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ გიორგი ძაძამიასთან ერთად სოხუმის დრამატული თეატრის დარბაზში გიორგი მაზნიაშვილის ცხოვრებისადმი მიძღვნილ თეატრალურ წარმოდგენას დაესწრო.

თეატრალიზირებულ წარმოდგენაზე გაცოცხლებული იყო საქართველოს ეროვნული გმირის გიორგი მაზნიაშვილის ცხოვრებისა და მოღვაწეობის ეპიზოდები. პროექტი მიზნად ისახავს ახალგაზრდებში საქართველოს ეროვნული გმირების შესახებ ცნობიერების ამაღლებას.

ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები და სხვა მოწვეული სტუმრები ესწრებოდნენ.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია საქართველოს პარლამენტის თავმჯდომარის პირველ მოადგილე გიორგი ვოლსკისთან და აფხაზეთის იძულებით გადაადგილებულ პირთა-დევნილთა მინისტრ დავით ფაცაციასთან ერთად ბათუმის შოთა რუსთაველის სახელმწიფო უნივერსიტეტის რექტორს ტიტე აროშიძეს შეხვდა.

შეხვედრაზე მხარეებმა განიხილეს ბათუმის შოთა რუსთაველის სახელმწიფო უნივერსიტეტში სამშვიდობო სწავლების ცენტრის შექმნასთან დაკავშირებული საორგანიზაციო საკითხები. ასევე ისაუბრეს ცენტრის მნიშვნელობაზე და მსგავს პროექტებში ახალგაზრდების ჩართულობის გაზრდაზე.

შეხვედრას საქართველოს პარლამენტის წევრები, აჭარის განათლებისა და კულტურის მინისტრი და უნივერსიტეტის სტუდენტები ესწრებოდნენ.

აფხაზეთის ავტონომიური რესპუბლიკის განათლებისა და კულტურის მინისტრმა გიორგი ძაძამიამ, სამინისტროს 2025 წლის საქმიანობის ანგარიში წარადგინა.

წარდგენაზე მინისტრმა აფხაზეთის განათლებისა და კულტურის სამინისტროს მიერ განხორციელებულ მნიშვნელოვან ღონისძიებებსა და შედეგებზე, ასევე სამინისტროში დაგეგმილ სიახლეებზე ისაუბრა. მოხსენებაში მინისტრმა აფხაზეთის შემოქმედებითი კოლექტივების მუშაობის შედეგები და აფხაზეთის კულტურის სპორტისა და ახალგაზრდულ საქმეთა სააგენტოს მიერ განხორციელებული პროექტები მიმოიხილა.

მინისტრის ანგარიშის წარდგენის შემდგომ მოწვეულ სტუმრებს სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, აფხაზეთის უმაღლესი საბჭოს თავმჯდომარე ჯემალ გამახარიამ და საქართველოს პარლამენტის თავმჯდომარის პირველმა მოადგილე გიორგი ვოლსკიმ მიმართეს.

ღონისძიების ბოლოს აფხაზეთის განათლებისა და კულტურის სამინისტროს მხარდამჭერი ორგანიზაციებისა და აფხაზეთის შემოქმედებითი კოლექტივების ხელმძღვანელები დაჯილდოვდნენ.

ანგარიშის წარდგენას საქართველოს საკანონმდებლო და აღმასრულებელი ხელისუფლების წარმომადგენლები, აფხაზეთის მთავრობის წევრები, უმაღლესი საბჭოს დეპუტატები, აჭარის განათლებისა და სპორტის სამინისტროს, აფხაზეთის კულტურის სპორტის და ახალგაზრდულ საქმეთა საააგენტოს, განათლების, კულტურისა და სპორტის სფეროს წარმომადგენლები ესწრებოდნენ.

აფხაზეთის ავტონომიური რესპუბლიკის განათლებისა და კულტურის მინისტრმა გიორგი ძაძამიამ, აფხაზეთის მთავრობის წევრებთან ერთად, ალილოს სადღესასწაულო მსვლელობის მონაწილეებს საშობაო ნობათები გადასცა.

თეატრალიზებული სადღესასწაულო მსვლელობა პირველი რესპუბლიკის მოედნიდან დაიწყო და წმინდა სამების საკათედრო ტაძარში დასრულდა.

დღის განმავლობაში შეგროვილი ნობათები, ტრადიციულად, ბავშვთა სახლებსა და უმწეოთა თავშესაფრებს გადაეცემათ.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია სამცხე ჯავახეთის სახელმწიფო უნივერსიტეტში არსებული აფხაზური ცენტრის „მესხი ახალგაზრდები ერთობისთვის“ 2025 წლის შემაჯამებელ ღონისძიებას დაესწრო.

ღონისძიებაზე წარმოდგენილი იყო აფხაზური ცენტრის მიერ ჩატარებული ღონისძიებების კრებული, რომლებიც ემსახურება ქართულ-აფხაზური ურთიერთობის აღდგენისა და შერიგების საკითხში ახალგაზრდების ჩართულობის იდეას.

ღონისძიებაზე დამსწრე საზოგადოებას სიტყვით მიმართეს და აფხაზური ცენტრის მნიშვნელობაზე ისაუბრეს, საქართველოს პარლამენტის თავმჯდომარის პირველმა მოადგილემ გიორგი ვოლსკიმ, ახალციხისა და ტაო-კლარჯეთის მიტროპოლიტმა - მეუფე თეოდორემ, აფხაზეთის მთავრობის თავმჯდომარემ გიორგი ჯინჭარაძემ, აფხაზეთის განათლებისა და კულტურის მინისტრმა გიორგი ძაძამიამ, საქართველოს სახალხო დამცველმა ლევან იოსელიანმა.

აფხაზეთის განათლებისა დაკულტურის მინისტრმა აფხაზურ ცენტრს სამინისტროს მიერ 2025 წლის მანძილზე გამოცემული წიგნები გადასცა.

ღონისძიების დასასრულს წარმოდგენილი იყო ალექსანდრე შერვაშიძის მოღვაწეობისა თეატრალური წარმოდგენა, სადაც გამოყენებული იყო აფხაზი არისტოკრატის ესკიზების მიხედვით შექმნილი კოსტუმები. თეატრალური წარმოდგენა აფხაზეთის განათლებისა და კულტურის სამინისტროს მიერ გამოცემული წიგნის „ალექსანდრე შერვაშიძე“-ს მიხედვით დაიდგა.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია, სოხუმის გიორგი რატიანის სახელობის მოზარდ მაყურებელთა თეატრის სპექტაკლის "ვერის უბნის მელოდიების" პრემიერას დაესწრო.

რეჟისორ ალექსანდრე ელოშვილის წარმოდგენა გოგი ცაბაძის, გიორგი შენგელაიას და მორის ფოცხიშვილის ყველაზე ცნობილი ქართული ფილმის "ვერის  უბნის მელოდიების“ მიხედვით დაიდგა და გადმოცემულია  ძველ თბილისში ცხოვრების ეპიზოდები, გაჯერებული იუმორით, მეგობრების სიყვარულითა და სიკეთით.

ღონისძიებას აფხაზეთის განათლებისა და კულტურის მინისტრის პირველი მოადგილე ემზარ კაკულია, მინისტრის მოადგილე სალომე კაპანაძე, აფხაზეთის მინისტრთა კაბინეტის წევრები და აფხაზეთის კულტურის სპორტის და ახალგაზრდულ საქმეთა სააგენტოს დირექტორი ავთანდილ ძაგანია ესწრებოდნენ.

პროექტი საქართველოს კულტურის სამინისტროსა და აფხაზეთის მთავრობის მხარდაჭერით განხორციელდა.